Trendin sem við erum til í að stela frá tískukrádinu í New York

Allt í bland

Hettupeysa við pils, tvítjakki við gallabuxur, pallíettur við leðurjakka. Það er svo sannarlega hægt að læra af tískukrádinu, hvernig hægt er að para saman ólíklegustu flíkur og fá út áhugaverða útkomu.

Joggingpeysa við satínpils og hæla. Hvernig hljómar það?

Stuttur blazer jakki í Clueless-anda við rifnar gallabuxur. Klikkað kombó!

Pallíettupils og demantsskreyttir hælar við gallabuxur og leðurjakka. Einhvern veginn virkar þetta!

Tvítjakki við gallastuttbuxur á götum New York-borgar.

Leðurjakki í yfirstærð við sparikjól og hælaskó-og auðvitað dass af Prada!

Groddaralegur leddari parast skemmtilega við fínlegt pils og skrautlegt skart.

Treystið Emili Sindlev til að láta skærgræna hettupeysu virka við kvenlegt pils og appelsínugula Prada-hæla.

Yfirhafnir dagsins

Það sem er helst á óskalistanum okkar eftir að hafa skoðað ógrynni af götutískumyndum frá tískuvikunum á meginlandinu eru yfirhafnir eins og „vintage"-leðurjakki, rykfrakki með áhugaverði tvisti, stuttur blazer og gallajakkar í allskyns skemmtilegum útfærslum.

Það er einhver einstakur „vintage“ blær á þessum leðurjakka í yfirstærð. Prófið að leita í karladeildinni af þessari týpu!

Rykfrakkar koma núna í allskyns áhugaverðum litasamsetningum eins og þessum. Love it!

Þessi sage-græni litur er áhugaverður en ekki of flippaður til að passa við flestallt sem til er í fataskápnum.

Stuttu leddari við uppháar, niðurmjóar buxur og hælastígvél er fullkomnun á þessari tískudívu.

Náttkjólar

Af og til, síðan á tíunda áratug síðustu aldar, hafa náttkjólarnir orðið trendí en Alexa Chung seldi okkur þessa hugmynd fyrir vorið og sumarið. Kjóll í náttkjólastíl sem rokkaður er upp með leðurkápu er geggjuð blanda.