Nýjar og spennandi snyrtivörur á Tax Free

Frábærir farðar

Dior er mætt á markað með farða sem allir eru að tala um og ekki að ástæðulausu. Um er að ræða matta útgáfu (Skin Wear) og ljómandi (Skin Glow) en sú matta gefur húðinni algjörlega fótósjoppaða áferð sem endist langt fram eftir degi og er orðinn okkar uppáhaldssparifarði.

Dior Skin Glow er ljómandi útgáfan af nýja Dior farðanum.

Skin Wear er matta útgáfan sem gefur einstaka "fótósjoppaða" áferð og minnkar ásýnd húðhola.

Hér má sjá litatónana sem eru framúrskarandi góðir og með mismunandi undirtónum.

Ef þið eruð á höttunum eftir hinum fullkomna fullþekjandi hyljara þá mælum við með Forever Skin Correct frá Dior.

Lifter Plump & Glow farðinn frá Maybelline er bæði rakagefandi og með ljómandi þekju sem dregur fram náttúrulegan ljóma húðarinnar. Hagkaup, 3.399 kr.

Glow Framer Foundation frá Max Factor gefur fallegan sólkysstan ljóma sem er hannaður til að bera yfir allt andlitið, skyggja eða birta ákveðin svæði. Minnir á Hollywood Flawless Filter frá Charlotte Tilburry. Hagkaup, 3.199 kr.

NYX Make Me Wonder Soft Matte Foundation er léttur farði sem gefur fallega, matta áferð sem lítur samt náttúrulega út. Formúlan er stútfull af góðum innihaldsefnum og með góðri þekju. Hagkaup, 3.195 kr.

True Match Hyaluron Tinted Balm er nýr og spennandi serum púðurfarði. Formúlan er létt og inniheldur hýalúrónserum sem mýkir húðina. Hagkaup, 4.799 kr.

Terracotta Joli Teint var algjör „ást við fyrstu sýn“ hjá okkur en þetta litaða dagkrem frá Guerlain gefur fullkomna sólkyssta húð á núlleinni. Jafnar húðtóninn og gefur ljómandi áferð með SPF 20. Fæst í Hagkaup, Smáralind.

Wonder Snatch er laust púður frá NYX sem minnir á þau sem hafa slegið í gegn frá Huda Beauty. Koma í mismunandi litatónum til að leiðrétta og hafa vakið verðskuldaða athygli. Hagkaup, 2.595 kr.

Sólkysst og sumarleg

Dior Solar brúnkudroparnir gefa húðinni náttúrulegan lit og ljóma allt árið um kring og henta öllum húðgerðum. Formúlan sameinar 100% náttúrulegt DHA, rakagefandi hýalúronsýru og svokallaða Pro-Tan tækni sem eykur ljóma og tryggir jafnan lit án appelsínugulra tóna. Liturinn framkallast á um klukkustund og endist í allt að viku. Fæst í Hagkaup, Smáralind.

Summer Bronzing Powder frá Clarins er silkimjúkt sólarpúður sem gefur húðinni heilbrigðan og sólkysstan ljóma. Ef þú ert á höttunum eftir nýju sólarpúðri sem er í hinum fullkomna tón (ekki of appelsínugulur) þá mælum við með þessum! Hagkaup, 7.799 kr.

Lancôme var að koma með ný stifti á markað, bæði farða og sem hægt er að nota í skyggingar. Eins kemur highlighter og fallegir kinnalitir í línunni sem vert er að skoða.

Make Me Blush eru nýir kinnalitir frá YSL sem hafa tröllriðið samfélagsmiðlum upp á síðkastið. Litur númer 44 er á óskalistanum okkar og virkar sem hinn fullkomni bleiktóna kinnalitur. Fæst í Hagkaup, 8.999 kr.

Cloudtopia Cheek & Lip Mousse er kremkenndur og litsterkur kinnalitur sem einnig er hægt að nota á varir. Hagkaup, 2.899 kr.

Hér má sjá nýju stiftin frá Lancôme en merkið er á 25% afslætti þessa dagana.

Blörraðar varir

Blurfiller er nýr varablýantur frá L´Oréal sem við erum svo spenntar fyrir en orðið á götunni segir að þessir minni á svipaða týpu frá Rhode. Hagkaup, 2.899 kr.

Kiss Kiss Blur Matte Lipstick frá Guerlain er mjúkur, mattur varalitur sem gefur vörunum náttúrulega mjúka og "blurred" áferð, einstaklega elegant! Kemur í 20 litatónum og fást í Hagkaup, Smáralind.

Serum varaliturinn frá Maybelline inniheldur hýalúrónsýru og nærandi olíur sem veita vörunum raka í allt að 8 klst. Hagkaup, 2.999 kr.

Max Factor Calorie Lip Shader er varablýantur sem mótar varinar vel og formúlan er mjög endingargóð. Mælum með litnum Coffie. Hagkaup, 3.199 kr.

Gordjöss gloss

Hyaluron Tint Lip Stain Serum frá L´Oréal endist eins og "Lip Stain", veitir raka eins og serum og er ríkt af hýalúrónsýru. Hagkaup, 2.999 kr.

Kóreskt varagloss frá NYX sem nærir varirnar og veitir þeim mjúka og gelkennda áferð. Varirnar virðast fyllri með glerkenndum ljóma. Hagkaup, 2.895 kr.

Dior Addict Lip Glow Butter er nærandi varameðferð með glansandi áferð sem sameinar kosti varasalva og gloss. Fæst í Hagkaup, Smáralind.

Möst frá MAC

Multisculpt eru nýir kremaðir augnskuggar frá MAC sem minna óneitanlega á þá sem margir elska frá Armani. Liturinn Hodge Podge er orðinn að staðalbúnaði í snyrtibuddunni okkar, geggjaður skyggingarlitur sem endist vel á yfir daginn.