Ódýru snyrti­vörurnar sem förðunar­fræðingurinn okkar getur ekki hætt að nota

Ultimate-augnskuggapallettann frá NYX er búin að vera í daglegri rútínu okkar á morgnana og kemur stöðugt á óvart með klæðilegum litatónum sem fá augnlitinn okkar til að „poppa“. Mælum 100% með!

BB Cover-farðinn frá L´Oréal er einn sá allra besti sem við höfum prófað og okkur finnst hann ekki fá nógu mikið umtal og vægi í fjölmiðlum! Hér með breytum við því. Ekki láta BB-nafnið blekkja ykkur, þessi farði hylur mjög vel en áferðin er kremkennd og ljómandi. Við elskuðum að nota hann í sumar því hann inniheldur líka spf 50.

Vinyl Ink-formúlan frá Maybelline er einstök. Ef varalitur, gloss og „stain“ ættu barn væri það þessi vara. Uppáhaldsliturinn okkar er Peachy en hann er að okkar mati hinn fullkomni ferskjulitaði nude og ekki skemmir fyrir hversu vel hann endist á vörunum. Fæst í Lyfju og Hagkaup, Smáralind.

Svokallað Brow Lamination hefur tröllriðið bjútíbransanum síðustu misseri og þess vegna kom Brow Lift Lamination gelið frá Gosh á markað á hárréttum tíma. Það virðist vera uppselt eins og er en það er þess virði að bíða, goðsagnakennd snyrtivara hér á ferð.

Förðunarfræðingurinn okkar hefur verið aðdáandi Real Techniques í vel yfir áratug og notar bursta frá þeim reglulega. Ef þú ert á höttunum eftir góðum farðabursta mælir hún t.d með Expert Face-burstanum. Real Techniques fæst í Hagkaup og Lyfju, Smáralind.

Við komumst fyrir tilviljun nýlega í kynni við varablýant frá NYX í litnum Coffee og hann er snilld. Liturinn er ekta næntís-litur sem lætur varirnar líta út fyrir að vera þykkari með skyggingu. NYX fæst í Hagkaup og H&M í Smáralind. Þegar við fórum að kynna okkur hann betur fyrir þessa grein komumst við að því að Allure er á sama máli!

Bare With Me-hyljarinn frá NYX sprengdi Internetið þegar hann kom á markað og Tik Tok-kynslóðn fær ekki nóg af honum. Förðunarfræðingurinn okkar mælir líka með þessum kremkennda, dásemdarhyljara.