Draumkennd samstarfslína með kvenlegu og karllægu í bland

Tíska - 28. ágúst 2020

Draumkennd samstarfslína líbanska hönnuðarins Sandra Mansour og H&M er komin í flagship-verslun sænska tískurisans í Smáralind. Innblástur segist Sandra hafa fengið frá kvenlistamönnum og fegurð náttúrunnar. Við kunnum persónulega að meta blönduna af því kvenlega í pífupilsum og kjólum og því karllæga í stórum blazer og hermannastígvélum.

H&M hefur ákveðið að gefa $100,000 til styrktar starfi Rauða krossins í Líbanon.

Hér sést hvernig hinu kvenlega pífupilsi og karlmannlegum blazer og hermannastígvélum er blandað saman á töff vegu.

Aðspurð segist Sandra sjálf halda mest upp á skartið í línunni sinni fyrir H&M. Þessir lokkar eiga hug hennar og hjarta en þeir eru ósamstæðir og misstórir sem gerir þá einstaka og með ákveðinn vá-faktor!