Heitustu buxurnar hjá öllum kynjum
Cargo-buxur eru heitasti buxnastíllinn hjá öllum kynjum um þessar mundir eins og glöggt mátti sjá á tískuvikum á meginlandinu.
Steldu stílnum
Skrítnar skyrtur
Nú er tíminn til að leyfa innri nörd að njóta sín-að utanverðu! Veldu þér skrítna skyrtu í Hawaii-stíl eða með „gömlukonuslæðu“-mynstri og þú ert í góðum málum og alveg með puttann á púlsinum hvað tískuna varðar.
Veldu þér skrítna skyrtu í Hawaii-stíl eða með „gömlukonuslæðu“-mynstri og þú ert í góðum málum!
Steldu stílnum
Háskólajakkar
Háskólajakkar líkt og þeir sem voru vinsælir á tíunda áratugnum eru heitasti tískuvarningurinn hjá körlunum um þessar mundir ef marka má tískukrádið vestanhafs.
Steldu stílnum
Vesti
Vestin hafa vaxið í vinsældum síðustu misseri en þau eru ágætis leið til að krydda fataskápinn. Veldu eitt úr ull eða dún og þú verður sjóðheitur á núlleinni!
Hér er fallegur frakki með innbyggðu vesti sem hægt er að fjarlægja og nota sér.
Steldu stílnum
Bling, bling!
Ekkert lát virðist ætla að vera á hrifningu tískukrádsins á stórum keðjum, sama hvaða kyn um ræðir. Skreyttu þig með blingi, því stærra, því betra og þú ert í tísku. Þú last það fyrst hér.
Steldu stílnum
Hliðartöskur
Hliðartöskurnar hafa vaxið í vinsældum hjá körlunum síðustu árin en það meikar fullkominn sens, af hverju ættu karlar ekki að vilja sporta fallegri tösku eins og við konurnar?
Steldu stílnum
Bomber
Svokallaðir bomber-jakkar eru vinsælir í dag og er að okkar mati hin fullkomna milliárstíðaflík sem gott er að para við yfir þunnar ullarpeysur á hryssingslegum haustmorgnum.
Steldu stílnum
Fleiri flottir á tískuviku
Hér eru nokkrir smart sem spókuðu sig um á tískuviku í Mílanó og París.