Heitustu trendin hjá körlunum í dag

Heitustu buxurnar hjá öllum kynjum

Cargo-buxur eru heitasti buxnastíllinn hjá öllum kynjum um þessar mundir eins og glöggt mátti sjá á tískuvikum á meginlandinu.

Hér má sjá gott dæmi um hinar klassísku cargo-buxur. Stílaðar við köflótta skyrtu og þú ert kominn með hið fínasta átfitt.

Jessica Biel og Justin T. vita hvað þau syngja.

Vasarnir gefa lúkkinu ákveðinn x-faktor.

Rúskinnsjakkar eru líka að koma sterkir inn og parast einstaklega vel við cargo-buxur eins og sést á þessum fallega manni á tískuviku.

Mjúkir pastellitirnir tóna vel saman í þessu dressi.

Steldu stílnum

Skrítnar skyrtur

Nú er tíminn til að leyfa innri nörd að njóta sín-að utanverðu! Veldu þér skrítna skyrtu í Hawaii-stíl eða með „gömlukonuslæðu“-mynstri og þú ert í góðum málum og alveg með puttann á púlsinum hvað tískuna varðar.

Þessi er sjóðheitur í „ljótu“ skyrtunni sinni.

Á mörkunum. Hvað finnst okkur, smart eða ekki smart?

Veldu þér skrítna skyrtu í Hawaii-stíl eða með „gömlukonuslæðu“-mynstri og þú ert í góðum málum!

Steldu stílnum

Háskólajakkar

Háskólajakkar líkt og þeir sem voru vinsælir á tíunda áratugnum eru heitasti tískuvarningurinn hjá körlunum um þessar mundir ef marka má tískukrádið vestanhafs.

Beckham junior var boðið á tískuviku og mætti í þessum jakka í háskólastíl.

Steldu stílnum

Vesti

Vestin hafa vaxið í vinsældum síðustu misseri en þau eru ágætis leið til að krydda fataskápinn. Veldu eitt úr ull eða dún og þú verður sjóðheitur á núlleinni!

Dúnvesti eru góð leið til að spæsa átfittið í íslensku veðurfari.

Hver segir að það þurfi að vera eitthvað undir vestinu?

Hér er fallegur frakki með innbyggðu vesti sem hægt er að fjarlægja og nota sér.

Steldu stílnum

Í Herragarðinum í Smáralind fást smart dúnvesti frá Ralph Lauren, Boss og Les Deux.

Bling, bling!

Ekkert lát virðist ætla að vera á hrifningu tískukrádsins á stórum keðjum, sama hvaða kyn um ræðir. Skreyttu þig með blingi, því stærra, því betra og þú ert í tísku. Þú last það fyrst hér.

Smart keðjurarmbönd á þessum vel stíliseraða herramanni á tískuviku í Mílanó.

Fylgihlutirnir teknir alla leið hér á bæ!

Steldu stílnum

Hliðartöskur

Hliðartöskurnar hafa vaxið í vinsældum hjá körlunum síðustu árin en það meikar fullkominn sens, af hverju ættu karlar ekki að vilja sporta fallegri tösku eins og við konurnar?

Hrikalega töff átfitt í einfaldleika sínum.

Pjöllupungurinn virkar vel sem hliðartaska!

Þessi er með fylgihlutina alveg á hreinu.

Hliðartaskan brýtur dressið skemmtilega upp. Þessi kemur úr smiðju Paul Smith en merkið fæst í Kultur Menn í Smáralind.

Steldu stílnum

Bomber

Svokallaðir bomber-jakkar eru vinsælir í dag og er að okkar mati hin fullkomna milliárstíðaflík sem gott er að para við yfir þunnar ullarpeysur á hryssingslegum haustmorgnum.