Stærstu skótrendin haustið 2020

Klossuð stígvél

Eitt allra stærsta skótrend haustsins 2020 eru gróf stígvél með klossaðasta hæl sem við höfum nokkru sinni séð. Frú Prada stendur að sjálfsögðu bakvið þetta trend.

Miuccia Prada kynnti þessi klossuðu stígvél til sögunnar í fyrra og síðan þá hafa vinsældir stílsins einungis aukist og fæst nú í hverri einustu verslun í allskyns útfærslum.

Sérlega falleg útgáfa úr smiðju Louis Vuitton.

Nú er það hvítt

Hvít stígvél eiga aftur upp á pallborðið eftir ágætis frí úr sviðsljósinu.

Rólegur kúreki

Kúrekastígvélin eru sjóðheit og ekki er verra ef þau eru í snákaskinnsmynstri.

Karlmannlegar mokkasíur

Eitt af þessum trendum sem þú annað hvort elskar eða hatar en þessi týpa af skóm mun tröllríða tískubransanum næstu misserin.

Karlmannlegar mokkasíur eru trend sem þú annað hvort elskar að hata eða hatar að elska.
Zara, 6.495 kr.

Gulur, rauður, grænn og blár

Fyrst var það rauður, svo blár en nú er græni liturinn sá sem fellur hátískuliðinu mest í geð. Við fílum hermannagræna litinn í haust.

Þessi hermannagrænu stígvél fóru beint á óskalista okkar á HÉRER.
Zara, 16.995 kr.

Metal

Eitt af nýjustu trendunum sem við höfum orðið varar við eru metal-stígvél.

Skóúrvalið hefur sjaldan verið fjölbreyttara og nú er svo sannarlega meira í boði en eingöngu svört stígvél eins og svo oft áður og við fögnum fjölbreytileikanum!