Stílistinn okkar valdi topp 10 kápurnar fyrir haustið
Tíska - 6. september 2022
Það er eitthvað við það að fjárfesta í nýrri kápu fyrir haustið sem gefur okkur fiðrildi í magann. Tilhlökkunin yfir nýrri árstíð og spennandi tímum holdgerist einhvern veginn í þessari mikilvægu flík í fataskápnum. Stílistinn okkar er búin að vinna heimavinnuna fyrir ykkur, hér eru topp 10 kápurnar í haust.
Svört og seiðandi
Klassísk, svört kápa sem gengur við allt og ekkert er eitthvað sem mun lifa í fataskápnum um ókomin ár.
Steldu stílnum
Kápur með loðkraga koma sterkar inn með haustinu!
Ljós og lokkandi
Við vitum ekki með ykkur en ljós kápa úr ullarblöndu er á óskalistanum okkar fyrir haustið.
Köflótt og kúl
Það er eitthvað við köflótta mynstrið (og houndstooth ef út í það er farið) sem öskrar á haustið og við sjáum kápu í þessu klassíska mynstri fyrir okkur við svartar buxur, upphá stígvél og fallega prjónahúfu. Trés chic!
Steldu stílnum
Lúxus leður
Leðurjakkar eru að koma sterkir inn aftur og ekki síður rykfrakkar og kápur úr gervileðri. Við hugsum alltaf um Matrix þegar þennan stíl ber á góma. Gæti ekki verið meira töff!
Steldu stílnum
Reffilegur rykfrakki
Það er fátt klassískara og smartara en gamli, góði rykfrakkinn. Ef þú „layerar“ þunnar ullarpeysur undir er hann góður félagi í haust.
„Layeraðu“ galla- eða leðurjakka undir rykfrakkann fyrir aukinn hlýleika og tískuprik í kladdann!
Veldu rykfrakka í haustlit til að breyta til! Þessi fæst í Weekday í Smáralind.
Grá og gordjöss
Steldu stílnum
Fyrir útivistina
Þessar væru tilvaldar í útivistina.
Tískudrottningin Olivia Palermo veit hvað hún syngur. Hún vill láta okkur vita að kögur er að koma sterkt inn, líka í yfirhafnatískunni!
