Trendin á tískuviku
Tíska - 26. september 2023
Eftir að hafa skrollað í gegnum aragrúa götutískumynda frá tískuvikunni í Mílanó komumst við að því að tvö fylgihlutatrend tröllriðu öllu.
Áberandi eyrnalokkar
Það var eitt trend sem stóð algerlega upp úr að okkar mati þegar myndir frá nýliðinni tískuviku í Mílanó eru skoðaðar. Allir og amma þeirra báru áberandi eyrnalokka í anda þeirra sem Bottega Veneta gerði vinsæla fyrir ekki svo löngu síðan. Stórir, áberandi hnullungar í eyrum skal það vera. Ekki er verra ef stíllinn er örlítið „vintage“ í útliti. Skoðum eyrun á stílstjörnunum á tískuviku!
Skrítin og skemmtileg form í anda þessara eyrnalokka sem minna á Croissant eru að trenda.
Steldu stílnum
Ég sé rautt!
Við sáum rautt, bókstaflega, allstaðar á tískuviku og ekki síst í fylgihlutum á borð við töskur og skó.
Ef þú ert ekki tilbúin að klæðast rauðum frá toppi til táar er um að gera að prófa rauðan fylgihlut, við lofum það gerir mikið fyrir átfittið.
