Mörg þekktustu hátískuvörumerki heims lenda í Smáralind

Tíska - 17. ágúst 2023

Föstudagurinn 18. ágúst markar tímamót í Smáralind þar sem tískuvöruverslunin Mathilda opnar með pompi og prakt. Við gætum ekki verið spenntari fyrir opnuninni þar sem mörg af okkar uppáhaldsvörumerkjum, á borð við Anine Bing, Ralph Lauren, Sand Copenhagen, Boss og Golden Goose fást einmitt í Mathilda. Skoðum hvað er nýtt og spennandi að koma frá þessum stóru vörumerkjum í haust.

Polo Ralph Lauren

Íslendingar hafa gjörsamlega misst sig yfir Ralph Lauren sem býður upp á tímalausa klassík sem stenst tímans tönn og tískustrauma. Flíkurnar og fylgihlutirnir frá Polo sækja innblástur í ekta amerískan sveitastíl sem hentar íslenskum konum mjög vel.

Anine Bing

Ofurskvísan Anine Bing stofnaði tískumerki undir eigin nafni í Los Angeles árið 2012 og hefur náð undaverðum árangri um heim allan á stuttum tíma.

Anine Bing höfðar til þeirra sem kjósa einfaldar en töffaralegar flíkur sem detta aldrei úr tísku.

Anine er þekkt fyrir áreynslulausan töffarastíl.

Blazer, Anine Bing, Mathilda, 94.990 kr.

Armani

Goðsagnakennda ítalska tískuvörumerkið Armani leggur áherslu á dásamlega falleg snið og bestu efni sem völ er á. Vörulínur Emporio spila stórt hlutverk á tískuvikunni í Mílanó á ári hverju.

Haustlína Emporio Armani 2023.

Sand Copenhagen

Tískuhúsið, sem var stofnað í Kaupmannahöfn árið 1981, hefur frá upphafi einblínt á að blanda saman skandinavískum og ítölskum áhrifum í hönnun.

Vörurnar frá Sand eru samblanda af klassískum sniðum og fallegum mynstrum sem virka vel á milli árstíða.

Boss

Boss þekkja flestir en vörumerkið stendur fyrir klassíska hönnun og gæði í gegn sem gengur í fataskápnum ár eftir ár.

Pamela Anderson og Naomi Campbell voru meðal fyrirsætna sem gengu niður tískusýningarpallinn á vorsýningu Boss 2023.

Golden Goose

Golden Goose er lúxusmerki sem á rætur sínar að rekja til Feneyja á Ítalíu. Einkenni merkisins eru handgerðir strigaskór úr leðri. Golden Goose leggur áherslu á fegurðina í því ófullkomna, sem gerir skóna frá þeim einstaka og eftirsóknarverða.