Hafnarboltajakkar
Jakkar í retró hafnarboltastíl eru sjóðheitir hjá körlunum í sumar eins og sást hjá mörgum af stærstu tískuhúsum heims á borð við Dior og Louis Vuitton. Góðu fréttirnar eru að auðvelt er að stela stílnum með heimsókn í ódýrari verslunarkeðjurnar.
Steldu stílnum
Hafnarboltajakkarnir eru áberandi í götutískunni eins og sjá má hér frá tískuvikunni í París.
Bermuda-stuttbuxur
Svokallaðar bermuda-stuttbuxur halda vinsældum áfram í vor og sumar.
Steldu stílnum
Vesti
Semí nördaleg vesti eru hámóðins þessa tíðina. Það er eitthvað dásamlega retró og skemmtilegt við þetta trend en auðvelt er að leika sér með stíliseringuna með því að skella vestinu yfir boli, undir jakka osfrv.
Steldu stílnum
XXL töskur
Töskur í yfirstærð hafa verið að tröllríða tískubransanum síðustu misserin. Nú ættirðu að geta haft allt hafurtaskið meðferðis, því nóg er plássið!
Steldu stílnum
Rykfrakki
Klassíski rykfrakkinn er skyldueign í vor og sumar enda gengur hann við allt og eldist eins og gott vín.
Steldu stílnum
Léttir skyrtujakkar
Skyrtujakkar koma að góðum notum með hækkandi sól. Veldu einn ljósan eða litríkan fyrir sumarið.
Steldu stílnum
Skórnir
Sandalar, léttir strigaskór og sumarlegar mokkasíur er skótauið sem vert er að huga að nú þegar styttist í sumar og sól.
Steldu stílnum
Léttar og ljósar buxur
Ljósar buxur úr léttum og þægilegum efnum eru möst í sumar.
Neon
Fyrir þá djörfu gæti verið málið að splæsa í flík í skærum og skemmtilegum lit. Gulur, bleikur, grænn og blár eru vinsælir í sumar.
Afapeysur
Hnepptar "afapeysur" eða gollur eiga upp á tískupallborðið á næstunni en við sáum allskyns útfærslur hjá stóru tískuhúsunum.
Steldu stílnum
Kasjúal jakkaföt
Leður
Leðurflíkur eru ekki beint það sem við tengjum jafnan við sumar en mörg stærstu tískuhúsanna sendu þær einmitt niður tískusýningarpallinn í ár. Þá er gott að búa á Íslandi!
Steldu stílnum
Punkturinn yfir i-ið
Vönduð og chic gleraugu eru fylgihluturinn sem setur punktinn yfir i-ið eins og sést hér á götutískunni á meginlandinu.